Қазақ вальсінің королі, көрнекті композитор Шәмші Қалдаяқовтың туған күніне орай Ордабасы ауданында «Арыс жағасында» атты мерекелік концерт өтті,— деп хабарлайды turkistan.today
Арыс өзенінің жағасындағы «Шәмші» аллеясында ұйымдастырылған мәдени шараға аудан тұрғындары, жастар мен өнерсүйер қауым қатысты. Кеш барысында композитордың халық жүрегінен орын алған әндері шырқалып, ұлы сазгердің шығармашылық мұрасы кеңінен насихатталды.
Шара аясында аудан әкімінің орынбасары Олжас Болатханұлы сөз сөйлеп, Шәмші Қалдаяқовтың қазақ музыка өнеріндегі айрықша орнына тоқталды. Сондай-ақ композитор мұрасын дәріптеп, кейінгі ұрпаққа жеткізудің маңыздылығын атап өтті.
Мәдени кеш барысында Шәмші Қалдаяқовтың ескерткішіне гүл шоқтары қойылып, композитор рухына тағзым жасалды.
Концерттік бағдарламада аудандық мәдениет үйінің өнерпаздары Шәмшінің сырлы әндерін орындап, «Шабыт» би ансамблі ұлттық билерін ұсынды. Әуезді ән мен әсем биге ұласқан кеш көрерменге көтеріңкі көңіл күй сыйлап, рухани әсерге бөледі.
Шәмші әндері – ұлт руханиятының алтын қазынасы. Композитордың өлмес мұрасын дәріптеу бағытындағы мұндай мәдени шаралар жас ұрпақтың ұлттық өнерге деген қызығушылығын арттыруға мүмкіндік береді.
+ 7 775 186 2113
Астана қаласы, Мәңгілік Ел көшесі, 8, 17В блок, 204-кабинет (Журналистер үйі)
info@turkistan.today
ҚР Ақпарат және коммуникациялар министрлігінің 22.08.2018 жылдан №17251 «Turkistan Today» АА Куәлігі берілген. © 2018-2024
Сайттағы материалдарды пайдаланғанда міндетті түрде сілтеме берулеріңізді сұраймыз. Ақпараттық порталдағы авторлық және басқа да құқықтар толығымен қорғалатынын ескертеміз. Автордың жеке пікірі редакцияның көзқарасы болып саналмайды. Жарнама мен түрлі хабарландыруларға жарнама беруші жауапты.
© Turkistan Today. Барлық құқық қорғалған.
